ಕಿರು ಬಿಂದು

ನಾನು ನನ್ನದೆಂದು 

ಗರ್ವದಿಂದ ಕೊಚ್ಚಿಕೊಳ್ಳುವ 

ಮನುಜನೆ ಕೇಳಿಲ್ಲಿ

ನಾನು ಒಡೆಯ ಮಾಲಿಕ ಶ್ರೇಷ್ಠ ಎಂದು

 ಬೀಗಬೇಡ

 ಆಸ್ತಿ ಸಂಪತ್ತು ಅಧಿಕಾರ

ನೀ ಪಡೆದುಕೊಂಡಿರುವುದು ಆದರೂ 

ಎಲ್ಲಿದೆ ಎಷ್ಟಿದೆ ಹೇಗಿದೆ

ಗುರುತಿಸಿ ಹೇಳುವೆಯಾ 

ನಿನು ನಿನ್ನಂತೆ ಅವರು

ಕಟ್ಟದಿರು ಗೋಡೆ

ಬಂದಿಸದಿರು ಗೊಡ್ಡು ಸಂಪ್ರದಾಯಗಳಲ್ಲಿ

ತಳ್ಳದಿರು ದೂರ ಅಹಂಕಾರದ ಅಮಲಿನಲ್ಲಿ

ಅವನಿ ಆಕಾಶವನ್ನೇ ವಿಶಾಲವಾಗಿ 

ತಬ್ಬಿರುವ ಅಬ್ಧಿಯ ಕಿರು ಬಿಂದು ನೀನಿಲ್ಲಿ.

ಆರಡಿ  ಸುಟ್ಟರೆ ಹಿಡಿ ಬೂದಿ

ಮೂರಡಿ ಹೂತಿಟ್ಟರೆ ಹಿಡಿಮಣ್ಣು

ಮಾನವನಾಗು 

ಮನುಷ್ಯತ್ವ ಮರೆಯಾಗದಿರಲಿ...!